ياما....

ياما سهرت ليالي و عديت النجوم و تسنيت ليام تفهمك

ياما صبرت لهوالي و خبيت لهموم و تمنيت الشوق يوصلك

ياما بررت اخطاءك ولغيت اللوم قانع بطرف من قلبك

ياما دويت جراحك و مسحت الدموع طامع فالزمان يبدلك

ياما رضيت بهبالك وبقيت نهوم تايه فغربة حبك

لكن حالي طال و الصبر ما يدوم وما عملتيه مازال يندمك

سكنت قلبي و طفيتي الشموع و رميتي بيا فضلمة حبك

طعنت فؤادي و سلبتي الروح وخويتي فقلبي سمك

عليتك و بيا رميتي فالموج و صفعتيني بكل جهدك

ماكنت نضن قلبك هكدا قاسي لوكان كسرتو بضربة من فاسي

نسيتيني وقدرتي عالفراق وكتاب حياتي بيديك طويتيه

حطمتي قلبي وباقي يشتاق وهو ملكي وانا قادر نواسيه

نصبرو هكدا يرتاح ونقول لو حبك ما يواتيه