نكت طازجة

موضوع: نكت طازجة السبت فبراير 13, 2010 6:30 am

واحد السيد بخيل عندو ولد تا يقرا في المدرسة, فيما تا أتقطع ليه السبرديلة عوض ما يشري ليه باه صباط جديد أو سبرديلة جديدة, تا يأخذ طرف من واحد اسبرديلة بالية أو تايرقع ليه السبرديلة ديالو, ديما على هاذ الحال لمدة ثلاث سنين... الولد مسكين طلع ليه الدم أو هو الطيح عليه واحد الفهامة, مشى حدا الواد أو رمى السبرديلة (باش باه زعما يشري ليه صباط جديد او سبرديلة جديدة), مللي باه شافو حفيان, مشى خذا السبرديلة القديمة اللي كان تايرقع ليه منها, أو رقعها بواحد الصباط قديم, او قال الولدو : غير قرى ا ولدي مزيان, اللي صعابت عليك هوانت علي.

المعلم في واحد المنطقة نائية : اشمن فصل من الفصول الأربعة تا ايعجبك؟ 

التلميذ: فصل الشتاء.

المعلم : وعلاش بالضبط هاذ الفصل؟

التلميذ: حيث تاتحبس فيه القراية. 

واحد الشفار هاز شاقور, دخل على واحد المرا هي أو راجلها, هو أيقول ليهم: المرا تخرج أو الراجل يبقى, المرا جاوبت: ها أنا ا وليدي انتوما رجالة أتفاهموا بناتكم, هو اينوض راجلها مسكين أو قال للشفار: حتى أنا ا وليدي راني مرا,غير ماكنتش عارف راسي.

واحد الشفار تاب أو ولى طباخ, طلب من شميشة باش تستاضف في واحد الحلقة, أو فعلا لبات ليه الدعوة, أو فيكسات معاه الرونديفو, لكن شميشة جات عندو قبل الوقت بساعة أو قالت ليه : اشمن وجبة غادي اتقدم للمشاهدين, قال ليها: المضهوصة بلحم الدجاج أو لحم قنية, هي أتقول ليه شميشة : علاش, واش أنت ما عارفش اشمن لحم غادي الطيب.هو أيجاوبها: راني باقي ما عارفش, واش ولدي غادي أيجيب لي الدجاجة ديال جارتي عيشة ولا القنية ديال جاري محمد. 

دكتور نفساني جمع الحماق اللي عند كاملين, باش أيشوف شكون اللي رجع ليه عقل, حتى واحد فيهم ما تيبشر بالخير, إلا واحد الحمق اللي جالس وحد او تيخمم, الدكتور قال في نفسو ربما حالة هاذ السيد في تحسن, اوهو ايسول:

الدكتور: مالك ا ولدي جالس بعيد من صحابك

الحمق : راني تنحس بالوحدة.

الدكتورفرح او قال ليه: مزيان او كيفاش يمكن لي انعاونك.

الحمق : راني ماعارفش واش الوحدة ديال الليل ولا الوحدة ديال النهار