الحب خدعة الحب سهام.....للجزائريين فقط

الحب خدعة كالحرب خطة و جنود....الحب سهام ترسلها القلوب
stop stop أمنتني؟
الحب قوطي كي يفرغ يفلوطي....الحب خرطي و عليه ما نفوطي
الحب ينوض الحب و يدير الحكة...الحب ضيع الشعب ونساه في مكة
الحب حكاية قديمة بصح تتعاود ديما....بحبك يا ممدوح و بحبك يا ناعيمة
الحب في وقتنا عاصي و مهند كلالي راصي....النفس يا انسان أمارة بالمعاصي
أخطيك من الطيطانيك و مسلسل المكسيك....ياك لي ماهو ليك يمحنك و يعيك
الحب ضيع صغار و هرب الطفلة من الدار....كي يقضي شغلو منك ياكلك الغبار
ترجعي يا بنت بلادي لعبة في يد لشرار....سومتك ترجع رخيسا و تتباعي بالدينار
حب والديك يكفيك و خاوتك مذا بيك ....مكتوبك جاي جاي اصبري ربي يعطييك
و انت ا سمع يا خويا هذا قولي ليك....ندعي ربي يهديني و انت تان يهديك
الخليلة ماهي حيلة لي تنفعك و تشفيك....تزها يمات قليلة و من بعد تدور عليك
كما تدين تدان معروفة من زمان....يجي نهار ربي يرزقك بفتيات و فتيان...



أيا وهذي