اسـأل روحـك شـن خـلاني ... نبعـد عنـك ونكـافيـــــك
بحـرمانك من فيـض حنـاني ... تلقـى كل الحـق علـيك
اساع تلقى روحك غلطان ... ف حقي وتندم ع اللي كان
بعد تعرف روحك خسران ... جميع اللي كاين في ايديك
***************
لـو شـي مرة تعـود بفكـرك ... للمـاضي وتفكـر كنـي
قاطعتـك وكرهتـه ذكـرك ... واجـاهلتك غصبن عنــي
تلقـى انك جارح كبــري ... ومواطـي بافعـالك قدري
وراضـي بين النـاس بصغـري ... بحبـك ذلـيت مغاليك
***************
لكن هي الدنيا هكـــي ... يـوم عليـك ويـوم معــاك
يـوم تفـرح يـوم تبكي ... يـوم ورود ويــوم اشـواك
ونا عشت امبارح مقهور ... وبكره جاي عليك الدور
تلاقي اجنانك صحرا بور ... علي جرمك ربي يجازيك
للشاعر,,توفيق قادربوه